1683/2026-2027

Saitual the, 6th August, 2026: Saitual Bawrhsap Pu Srinivas Sadi chuan a hnuaia tarlan ang hian thu a chhuah.

Tunlai hian Saitual District chhunga sawrkar hnathawk thenkhat chu hnathawh hun chhung (office hour) a ruih ching an awm tih hriat a ni a. Rule 22 (b), Central Civil Services (Conduct) Rules, 1964 chuan 'Sawrkar hnathawkte chu an hnathawh hun chhung chuan ruihtheih thil engmah an ti tur a ni lova. Tin, ruihtheih thil eng chi pawhin an hnathawh a tihbuai lohna turin an invawng tur a ni' a ti a.

Chuvangin, kei, SRINIVAS SADI, District Magistrate, Saitual District hian a chunga tarlan dan behchhanin, Saitual District chunga sawrkar hnathawk zawng zawngte chu an hnathawh hunchhungin ruihtheih thil eng chi pawh an tih ka khap a. Sawrkar hnathawkte chu ruihtheih thil engmahin an hnathawh a tibuai tur a ni lo.

He thupek bawhchhiate chu an thil tihsual dan azirin, Rule 11, Central Civil Services (Classification, Control and Appeal) Rules, 1965 behchhanin, hlawh punna (increment) hrensakte, an kaisanna(promotion) hrensakte, loh theih lohva pensionte, ban te leh a dangtein hrem an ni ang.

He thupek hi khauh taka kenkawh a nih theihna turin Saitual District chhunga sawrkar office-te chu surprise inspection neih thin a ni ang.

order-regd-ccs-conduct-rules-1964.pdf