1208/2023-2024

Dated Saitual the 20th July 2023: Vawiin khan Saitual DC. Dr. Lalngura Tlau chuan Saitual District chhung a khaw li a tlawh a, VC members te nen inkawmhona an nei.

Dr Lalngura Tlau chuan India sawrkar in Grassroot Democracy, khawtlang rorelna a ngaih pawimawh thu sawiin VC te hnenah chuan khawtlang inrelbawlna felfai a awm chuan anmahni mai nilo, ram in hma a sawn phah a ni, a ti. Faina te, hriselna te leh zirna lam te ngai pawimawh zual turin a chah a, heng khua ten an ramngaw thing leh mau te tha taka an humhalh chu a lawmawm hle a ni tih sawiin, tan la zual sauh turin a fuih bawk a ni. Hemi rual hian Tualbung ina Community health care - a mamawh te tana an khawtlang in pawisa thawhkhawm a an damdawiin kalna man bill theihna ruahmanna an siam chu a lawmawm in faktlak leh khawdang te pawh in a anla entawn zel a beisei thu a sawi.

Vawiin a Bawrhsap in a tlawh khua te hi Tualbung, Dilkhan, Buhban leh North Lungpher te an ni a. Village Council members te chuan Bawrhsap in an khua ngei a an dinhmun te hrechiang tur a a rawn tlawh thei chu lawmawm an tih thu sawiin an khaw inrelbawldan kal mek leh an harsatna te Bawrhsap hnenah hian an thlen nghal bawk a ni.