1209/2023-2024

Dated Saitual the 20th July 2023: Vawiin khan Samagra Shiksha, Saitual District leh Evangelical Teachers' Fellowship Mizoram tangkawp chuan School Management Committee leh School Managment and Development Committee District Level Training Keifang Zawlbuk ah an nei.

Training hi Pu K.Lalnunfela DEO & DPC, Saitual District chuan a kaihruai a, Saitual chhunga zirna lama hmasawn a ngaihna te sawiin, zirna tha chuan khawtlang tha a siam thei a ni, a ti. Zirtirtu te chu naupang te  zirna kawnga  an hmasawn zelna atan leh nunkawng dik an zawh theihna atana an thinlung a moral tha tuh tu pawimawh tak annih avangin  hmangaihna nena naupang enkawlna kawngah tan la zel turin a fuih a, School Management Committee members te pawh School inrelbawlna kawngah an pawimawh na te hria a theihtawp chhuah turin a chah bawk.

Training ah hian thupui atan, ' Social Transformation through Education' thlan niin zirna leh a kaihhnawih topic hrang hrang zirho a ni a, Resource Person ah Pu C.Chawngthantluanga, Dy.SPD, Samagra Shiksha, Mizoram, Dr Hmingthanzuala, Associate Professor (Rtd) IASE, Pu F.Lallura, Former Director, School Edn Deptt. leh C.Januari, Headmistress, Govt. Maubawk HS te hman an ni.

Samagra Shiksha, SMC leh SMDC  District level training hi Saitual District chhunga Government leh Samagra Shiksha School Primary, Middle, High School leh Higher Secondary School 137  te tan a buatsaih a ni a, Saitual District chhunga school hrang hrang atangin zirtirtu te leh school management committee members te an kalkhawm a ni. Pu Rodailova Pachuau, Deputy DPC Saitual in lawmthu sawina a neih hnu in vawiin Training hi khar a ni.