4395/2025-2026

Saitual the 11th February, 2025: Saitual Bawrhsap Pu Srinivas Sadi chuan kangmei ven chungchangah a hnuaia tarlan ang hian thu a chhuah:

District Level Fire Prevention Committee, Saitual District thurel angin Fire Prevention Week, 2026 chu February Ni 9, 2026 atangin Saitual District chhungah hman tan tur a ni a. Saítual District chhunga khaw hrang hrangah ramkang laka mipuite kan him tlan theihna turin a hnuaia tarlan ang hian thupek siam a ni:

1. Saitual District chhunga Block ⁠(Pahnih) Ngopa leh Phullen RD Block-te leh Saitual APO, NREGS -te huam chhungah Forest Department, VC leh NGO-te nen tangrualin he hapta hi a theih dan anga hmang tura hrattir an ni.

2. ⁠Ramvat zawng zawng in meilam tha tak an sial ngei tur a ni. An meilam sial te endik anih theíh nan Lo/Huan/Leipui hal tur reng rengin an hal hma ni thumah an veng/khua VC hnenah an in report vek tur a ni.

3. ⁠Khawtlang theh ram neitute chuan 15th March, 2026 ral hmain lo an hal vek tur a ni.

4. Huan/Leipui tur mimal rama vat te chuan 5th March, 2026 hma in hal vek tur ni.

5. ⁠Lo/Leipui/Huan hal tur reng rengin an hal tur ram chhunga electric wire, internet cable, TV cable-te a awm chuan a buaipuitute hnenah ram an hal hma ni thumah an hrilh ngei tur a ni.

6. He hapta chhung hian khaw tina Tlangua leh YMA Information atangin kar khatah vawi 3 (thum) tal ram tikang lo turin leh ramkang ven pawimawhna te mipui hriat theihin an puangzar thin tur a ni.

Banner/Posters/Hoarding a tam thei ang ber tarchhuah tur a ni ang.