4052/2024-2025

Dated Saitual the 1st February, 2025 : Nimin khan Saitual Bawrhsap Dr. Lalngura Tlau chuan Treasury office, Saitual chu tlawhin, an hnathawh dan hrang hrangte a enfiah a, Bawrhsap hi Pi F. Lalrindiki, Treasury Officer chuan a lo dawngsawng a ni.

Central Treasury Rules Vol I Rule no 70-na in a phut angin Treasury Office chu kum khatah vawi khat (1) endik hna thawk tura anih angin vawiin khan Bawrhsap chuan Saitual Treasury Office chu a hmunah kalin a endik a, Bill Section, Establishment Section, Compilation Section, Pension Section, Accounts Officer's room leh Treasury Officer's room te a tlawh bakah Strong Room te a enfiah a ni.  

Bawrhsap chuan an hnathawh dan hrang hrangte chu lawmawm a tih thu leh theih tawp chhuah a mamawhtu apiangte tana inhawng taka tan la sauh sauh turin a chah a, thawktute pawhin record hrang hrang, register leh a kaihhnawihte felfai taka an vawn avangin lawmthu a hrilh nghal a ni. 

Tunah hian DDO 25 ten Treasury kaltlang hian IFMIS hmangin thlabi hlawh an la mek a, Tin, daily ceiling (salary leh wages tiam loh) hi nikhatah nuai 30 chin an pe chhuak thei bawk a ni.    

Treasury Office, Saitual ah hian thawktu mi 8 awmin Treasury Officer- 1, Account Officer – 1, Assistant Account Officer-3, LDC 1 leh Peon 2 an awm mek a ni.