4051/2024-2025
Aizawl, the 1st February 2025: Mizoram Road Safety Council thutlukna angin vawiin khan kumin February thla chhung hi Road Safety Month atan puan a ni a. Road Safety Month hawnna inkhawm hi Transport Secretary Pu Zosangliana hovin vawiin chawhnu khan Directorate Conference Hall, Transport Office-ah neih a ni.
Road Safety Month neih a nih chhung hian Road Safety Council chuan Lirthei khalhtute leh Lirtheia veivak te kan lo him zawkna turin kawng hrang hrangin hmalak a tum a. Road Safety Month puala Transport Secretary thuchah pawh DDK, AIR, LPS leh Zonet ah te tihchhuah a ni tawh a. Mipui nawlpui leh a bikin zirlaite tan Kawngpuia veivak leh Lirtheia khalhtute leh Lirtheia chuang te himna turin Inzirtirna uar takin kalpui a ni dawn a. Lirtheia khalhtute leh Lirthei dinhmun te pawh endikna a tam thei ang berin neih a ni thin dawn a ni.
Digital Media kaltlangin entute mit la thei ang tura Inzirtirna video clip leh animation te Siam a ni dawn a. Hetih hun chhung hian kawngpui chhe zual leh him lo lai te pawh en dik tum a ni a, Lirthei hralhchhuaktute ( Car dealers) te pawh, fimkhurna kawnga an mawhphurhna te hlenchhuak tura hriattir leh ngen an ni dawn bawk a ni.
Road Safety Month hawngtu, Transport Secretary Pu Zosangliana chuan Road Safety Week kan hman thin atanga Road Safety Month hial hman a lo tul tak dan te. Lirtheia khalhtute tan mai ni lo, passenger leh Kawngpuia veivak te tana Kawngpui him kan neih theihna tur Road Safety Council kaihruaina hnuaia Transport Department hmalakna te a sawi a. Inthlahdah avang liau liaua tunhnai a kum 5 chhung maia Mizoram chhung bika Lirtheia chetsualna leh thihna hian a thleng chungchang te statistics kimchang nen a tarlang bawk. Road safety month hlawhtling tak kan neih theihna atan te, kan kawngpui te Lirtheia veivak leh a khalhtute tana a lo him zawkna turin hemi hun chhunga Road Safety Action Plan Sawrkarin a kalpui te lo hluta, lo thlawp theuh turin ngenna a siam bawk a ni.
Full speech of Transport Secy: https://dipr.mizoram.gov.in/post/road-safety-month-hawnna-puala-transport-secretary-thuchah
Road Safety Month hawnna hi Pu R.Lalchhanhima, Addl Secretary, Transport in a kaihruai a. Director Er R.Lalrammawia in Road Safety Month chungchangah thu hmahruai a sawi a.He hunah hian thutiam sawirualna Pu H.Lalhmingliana, DD, Transport in a kaihruai a. Lawmthu sawiin hun tawp Pu Lalthawmmawia, DS, Transport chuan a khar thung a ni.
