425/2024-2025
Dated Saitual the 6th May 2024: Vawiin khan Saitual Bawrhsap Dr. Lalngura Tlau, Chairman, District Sports Committee, Saitual District hovin  Saitual DC Conference Room-ah Saitual District Sports Committee Meeting neih a ni a, infiamna (Sports) lama District-in hma a sawn zel theih nan hma lakna tur hrang hrang sawi ho a ni.

 Saitual DC  Dr Lalngura Tlau chuan Saitual District chuan Sports lamah hmasawnna tur an nei tha hle a ni a ti a, tun hnai a Samuel Lalbiakhlua (kum 11) Saitual Venglai, India rama Paragliding Pilot naupang ber-in record ropui tak a siam chu lawmawm a tih thu sawiin a huaisenna chu entawn tlak a tih thu leh Saitual District ti hmingthatu a nih thu a sawi bawk.

He meeting-ah hian Saitual District Sports Committee hnuaia Sports Association hrang hrang ten infiamna lama hma an lakna tura an sum mamawh leh District aiawha an chet chhuahna hrang hranga an senso te thlir ho a ni a, Mizoram State Sports Council atanga District tana Promotional Fund awm sa te chu an mamawh dan a zir zela sem chhuah dan tur ruahman a ni bawk.

Heng thurel te bak ah hian Saitual District Sports Committee chuan Samuel Lalbiakhlua chawimawina leh lawmpuina Rs. 10000 pek a nih tur thu rel a ni bawk.

Vawiin a meeting ah hian District Sports Committee members te leh chanchinbumite an tel  a ni.

Attachment

  • Loading attachment...