2762/2023-2024

Saitual dated 8th November 2023: Vawiin khan Saitual district chhung a 9-Tawi, 8-Chalfilh leh 21 Lengteng Assembly Constituency-a Polling Station awm ho a vote tlak dan, General Observer Pu Giriwar Dayal Singh leh Pu Kaushal Kishore ho a endikna ‘Post Poll Scrutiny’ neih a ni.

 He Poll Scrutiny, Saitual DC Conference Hall a neih ah hian Returning Officer, Election Official leh Political party aiawhte pawh an tel a . Polling Station hrang hrang a vote thlak nana hman EVM leh VVPAT-te hi nizan atang khan Saitual DC Office Complex ah dawn khawm tan niin tukin zing kar khan Polling party-te hi an thleng kim a ni.

Post Poll scrutiny neih zawh taka a lan dan in Saitual District a Assembly Constituency 3 te; 9 Tawi, 8-Chalfilh leh 21 Lengteng ah Vote 80.74% a tla a ni. Saitual District a AC pathum te ah hian Electors 55679 awmin heng zinga 27575 hi hmeichhia anni a, 28104 hi mipa anni. Assembly Constituency a electors tam ber na hi Chalfilh niin mi 19969 an awm a ni. Polling Booth a, a percentage a vote tlak that ber na hi Vankal, Lengteng AC niin 93.31% a tla. Assembly Constituency percentage a Vote tlak that na ber hi Tawi niin 83.46% a tla a ni. General Observer leh official-te hian constituency tin strong room te en fiah in election document pawimawhte pawh political party te awm laiin chik taka bihchianna an nei a ni.

Vawiina post-poll scrutiny neih zawh tak ahhian General Observer Pu Giriwar Dayal Singh leh Pu Kaushal kishore te chuan inthlan muanawm leh felfai taka neih a ni chu a lawmawm an tih thu an sawi a, Saitual DEO leh staff zawng zawng te inpekna chu fakawm an tih thu an sawi bawk.