337/2024-2025 

Dated Saitual the 23rd April 2024: Vawiin khan Saitual DC Dr Lalngura tlau chuan tun hnai a Youtube Channel Pakhat 'Khawlbawm' tih channel in a Saitual District a Election hmachhawn zawh taka lirthei an hman te an inrem dan nilo a lirthei man inpekna awm ni awma tarlan chungchang ah chanchinbumite Saitual DC conference room-ah a kawm.

Saitual Bawrhsap, District Election Officer ni bawk, Dr Lalngura Tlau chuan tun hnaia thil thleng chu pawi a tih thu sawiin, Social media a thil a kimchang hrelo a kan chhuah mai thin hian nghawng nasa tak a thlen thei a ni, a ti. Lok Sabha MP inthlan neih zawh taka khan Maxi Cab Owners Association te chu koh niin inremna siampui vek anni, a ti a. An inremna ang chuan lirthei pakhat ah ni khat ah cheng 6000 leh kilometre khat ah cheng 40(actual kilometre) zel tura inremna ziahpui an nih thu a sawi a. Chu inremna anga pawisa chu in pe anni, a ti.

Lirthei neitute an koh khawm lai hian Updown tura inbe rem nise, updown a in pek a rem loh nanchhan a awm loh thu sawiin, amaherawhchu tuna an inbiakrem dan anga in pe anni, a ti. MLA hunlai a la tlem zawka insawina awm chu a diklo tih sawiin, MLA inthlan lai khan cheng 5500 per day plus actual Kilometre a chhut a ni a, tun tum ah erawh cheng 6000/day plus actual kilometre a pun a ni zawk a ni,a ti bawk.

Dr Lalngura Tlau chuan Driver te pawh an inremna anga pawisa an lak tawh thu sawiin Khawlbawm channel neitu, Lalhmingsanga, Hmingtea, Farm veng lunglei pawh in a video chu la thla in a sawifiahna video a ti chhuak tawh bawk a ni, a ti. Tun dinhmunah chuan tu chungah mah Legal Action lak tumna a awm rihloh thu sawiin, amaherawhchu hetiang thil a awm leh chuan court ah kalpui a ngai tawh ang, a ti.

Vawiin a Saitual DC in Press Briefing a neihna ahhian Saitual a chanchinbumite leh Election officials te awmin zawhna leh chhanna hun hman nghal a ni bawk.

Press Release vehicle PDF.pdf