338/2024-2025
Mamit 23rd April, 2024 : Tunlaiin kan ramah leh thenawm state-ah ran hri (ASF) leng mekin, ziaawm lam a pan theih loh avangin he hri laka Mamit District mipuite ranvulh an lo him theih nan Pu Zoremthara Ralte, MCS, Additional District Magistrate, Mamit District chuan Section 144, Cr. PC, 1973 -in thuneihna a pek angin vawiin Ni 23rd April, 2024 hian a hnuaia mi ang hian khapna thupek a chhuah a ni.
1. Mamit District chhungah ramdang (foreign countries) leh State dang atanga vawk leh vawksa rep leh vawksa atanga siam lakluh khap tlat a ni.
2. ASF infected area / District danga ASF lenna atangin vawk, vawksa leh a rep atanga siam ei tur Mamit District chhungah lakluh khap tlat a ni.
3. Ran damlo leh hrisel lo ei tur atana hralh leh zawrh khap tlat a ni.
4. Vawk thi reng reng Chinai thi / Bleaching Powder nen thuk taka phum tur a ni a, khamah leh ramhnuaiah paih mai mai tur a ni lo.
5. Vawk thi a awmin a neitute'n A.H & Vety Department, Mamit hriattir vat tur a ni.
He thupek bawhchhetute chu Section 188, IPC hmangin hrem theih an ni ang. He thupek hi hnuhlet a nih loh chuan chhuah a nih atanga thla 2 (hnih) chhung a huam ang.
