339/2024-2025 

Khawzawl, 23rd April 2024: Systematic Voters’ Education and Electoral Participation (SVEEP) hnuaia Khawzawl District Election Office hmalakna peng pakhat vote tlak thatna khua Branch YMA, MUP leh MHIP te hnena chawimawina hlanna hun chu vawiin khan Khawzawl DC Auditorium-ah neih a ni.

He hunah hian Khawzawl Bawrhsap, District Election Officer ni bawk Pu K. Lalrohlua chuan kalkhawmte inlawmna thu sawiin Inthlan hmachhawn tura Khawzawl District inpuahchah dan leh vote tla tam theihna tura hma an lakna te a tarlang a. Bawrhsap hian tlawmngai pawl te nen thawhhona tha tak an nei chu lawmawm a tih thu sawiin inthlan lo awm zel turah pawh an thawhpuina leh tawiawmna a ngen nghal a ni.

Khawzawl Bawrhsap hova District MUP, Sub Headquarters YMA leh MHIP thukhawm chuan vote tlak thatna khua Branch YMA te hnenah lawmman hlan ni se tiin a lo rel tawh a. Hei bakah hian MHIP leh MUP Branch an member za zela 70% chin vote thlak te tan lawmman siam sak a ni bawk. Category tina lawmman pakhatna hian pawisafai cheng  10,000 an dawng a, pahnihna in cheng 5,000 leh pathumna in cheng 3,000 an dawng thung a ni. Hei baka hian Consolation prize (₹2,000) Branch 7 theuh tan siam a ni bawk.

Tlawmngai pawl te hnena lawmman hlan bakah hian Booth Level Officer (BLO) te pualin lawmman siamna a ni a.  BLO te hi voter tamna leh tlemna a then an ni. Tin, BLO te hnenah hian Honararium ₹6,000 pek theuh an ni bawk.

Vawiina lawmman dawngtute chu:

Best BLO (Voter Tamna)

Pu Geoge Lalliana , Tualte

Best BLO (Voter Tlemna)

Pu Ronnie V. Vankunga, Khualen

Branch YMA

Pakhatna: Khualen

Pahnihna: Vangtlang

Pathumna : Arro

MUP

Pakhatna: Khawhai

Pahnihna: Khawzawl Arro

Pathumna : Arro

MHIP

Pakhatna: Khawhai

Pahnihna: Khawhai Venglai

Pathumna : Khualen

Sveep 2024 lawmman dawngtute.xlsx