2915/2023-2024

Dated Saitual the 2nd December 2023: Vawiin khan Saitual District Election Officer, Dr Lalngura Tlau, Saitual Bawrhsap ni bawk chuan a office chamber ah Thuthar thehdarhtute kawmna hun a nei a, Mizoram MLA inthlanpui 2023 vote chhiar chungchang a Saitual District inpuahchahna te a hrilhhriat a ni.

Dr Lalngura Tlau chuan Saitual District chuan Vote chhiar turin nasa takin inpuahchahna a kalpui a, rokhawhna dang a awm loh chuan tluang taka vote chhiar a nih a beisei thu a sawi a.

DEO in a tarlan dan in Vote hi Saitual DC Complex ah Counting center 1 leh counting hall 3 ah chhiar a ni anga, Counting Officials hi mi 132 an awm a, Etpbs ah mi 2 zel AC tinah an duty anga Encore pawh hall tinah mi 2 zel duty tur a ruahman a ni. Table hi Chalfilh leh Lengteng AC ah 10 ve ve a awm anga Tawi ah 8 a awm bawk ang. Mipui te hnen a vote tla te puan chhuah na Media center pawh peihfel a ni tawh bawk.

Counting supervisor leh assistant te tan First Randomisation neih a ni tawh a, 2nd randomization hi Sunday ah neih a ni anga, third randomisation erawh vote chhiar ni, vote chhiar hma si in neih a ni ang.

Dr Lalngura Tlau chuan Vote chhiar turin Training an nei nasa tih sawiin Counting official te tan Oct 26 ah 1st training an nei a, Nov 1 ah leh Nov 30 ah neih a ni leh a ni a ti a, Rehearsal pawh neih a ni tawh bawk a ni, a ti.

Law and order ah harsatna lian tham a awm rih loh thu sawiin, Counting day security chu three tier a ruahman a ni a, MRP platoon te first checkin Gate hmasa ber ah detail an ni a, 2nd tire ah IR dah an ni a, Hall tinah CAPF dah an ni bawk.

Vawiin a press briefing neih ah hian Saitual District Election Officer hi EO Pi Laldinfeli leh DIPRO, David A Lalhmingchhuana ten an tawiawm a ni.