2914/2023-2024

Hnahthial the 2nd December 2023: Nimin khan DC Office Chamber, Hnahthialah District Election Officer, District Bawrhsap ni bawk Pu Chuauhnuna leh Hnahthial Superintendent of Police Pu Shivendu Bhushan, IPS te chuan December ni 4 a tluang taka vote chhiar a nih theih nan venhimna lam tul te sawiin an thukhawm.

Nimin thutkhawmah hian DEO Pu Chuauhnuna chuan Hnahthial District,29-South Tuipui AC ah chuan tluang taka vote chhiar a nih theih nan inbuatsaihna a fel thawkhát hle a ti a, boruak muanawm tak hnuaiah vote chhiar zawh theih a beisei thu a sawi a ni. Superintendent of Police Pu Shivendu Bhushan pawhin Mizoram chu ram ralmuang tak a nih avangin buaina liantham awm lova chhiar zawh theih a beisei thu sawiin venhimna lam pawh an ulukin an in peihfel thawkhat tawh hle a ti bawk. Vote chhiar ni a Authorised personnel bakah media mi ten awlsam taka information an neih zung zung theih nan ruahmanna duangin vantlang mipui tan boruak muanawm tak a awm theih nan tul te an sawiho a ni.

Nimin meeting-ah hian DC Pu Chuauhnuna leh SP Pu Shivendu Bhushan bakah Addl DC Pu Lalvenhima, Addl SP Pu Albert Lalnunpuia, SDO (S) Pu Neng Thianlala leh SDC Pi Betty Lalrinfeli te an tel a ni.