2913/2023-2024

LUNGLEI;the 2nd December,2023: Vawiin chawhma  dar 11:00 khan Saikuti Hall Auditorium, Lungleiah Counting dress rehearsal neih a ni. Vawiin  Final training(Dress rehearsal)-ah hian Counting Officials te hnenah District Level Master Trainer Pu Vanlaroa, Secretary LMC/Settlement Officer leh Pu Beitlotha Nohro DTO/DLAO ten theoretical leh practical training an pe a ni. Vawiin training hawnnaah  thu sawiin; District Election Officer Pi Ramdinliani chuan “Vawiin training hi counting day-a counting officials ten kan mawhphurhna theuh tha taka kan kenkawh dan tur, a taka en chhinna leh tih chhinna a ni dawn a. Counting Officials te tan a training hnuhnung ber tur a nih tawh  dawn vangin,  inhriatchian loh thil te a awm chuan Master trainer te hnenah zawh hre lova, bel taka thiam  ngei ngei in tum theuh dawn ni a” tiin  counting official te fuihna thuchah a sawi a ni.

Lunglei District hnuaiah MLA Constituency 6-a vote tla chhiar tur hian  Counting officials 171 an awm, chungte chu: Counting supervisor -57, Counting Assistant -57 leh Micro Observer -57 te an ni a, heng bakah hian Constituency tin hi RO leh ARO te bakah Observer 1 theuh vin an thutchilh dawn a ni.

 Lunglei District hnuaia MLA constituency 6-a vote tla te chhiar nan hian Saikuti Hall Ground Floor-ah Counting Room 6 siam a ni a.Vote hi Round 4 a chhiar zawh tura ruahmanna siam a ni a, Postal ballot atang bul tanin dar 8:30 ah EVM CU te chhiar theih tura ruahman a ni.  Round wise-a Counting Hall tina counting table awm zat(round khat zel a polling station chhiar tur zat) chu:

30-Lunglei North AC—7
31-Lunglei East AC ----6
32-Lunglei West AC— 6
33-Lunglei South AC—10
34-Thorang AC-----       10
35-West Tuipui AC----  8 a ni.

Vawiin training hi Observer Pu  Avadhesh Kumar Tiwari IAS in a telpui hlawm a ni.