4549/2023-2024

Dated Saitual the 12th April 2024: Vawiin khan Saitual DC office Chamber ah District Election Officer, Dr Lalngura Tlau chuan chanchinbumite kawmin Saitual District in a kan hma lawk a Lok Sabha MP General Election a hmachhawnna tura an inbuatsaihna te a hrilhhriat a zawhna leh chhanna hun hman nghal a ni.

Vawiin a District Election Officer in Weekly Press briefing puala thutharthehdarhtute a kawmna ahhian an dinhmun hrang hrang a tarlanga, chungte chu a hnuaia tarlan ang hi anni:

VOTER DINHMUN: SSR 2024 a a lan danin Saitual District ahhian voter 56303 an awm heng zingah hian Service voters 518 an tel a ni.

1. EVM & STRONG ROOM :
Ni 9th April, 2024 khan Returning Officer, 1-Mizoram Parliamentary Constituency kaihhruainain EVM thliarfelna (2nd Randomization) neih leh a ni a, Mizorama Assembly Segment zawng zawng tan RO hian online in an random a, District Election Officer-ten Video Conference-in an lo telpui bawk a ni. EVM 2nd Randomization hi Dr. Nipun Vinayak, General Observer, 1-Mizoram Parliamentary Constituency in a telpui bawk. Kan districtah pawh he hun hi Dr. Lalngura Tlau, District Election Officer/ ARO hovin Political Party aiawhte nen DC Conference Room, Saitual ah an telpui a, Political Party te hi EVM 2nd Randomization list te hi pek nghal an ni bawk.

A tuk Ni 10th – 11th April, 2024 khan EVM Commissioning neih chhunzawm a ni a, Ni 10th April, 2024 khan Chalfilh Assembly Segment commission a ni a, Ni 11th April, 2024 khan Tawi leh Lengteng Assembly Segment te commission a ni leh bawk. EVM commissioning ah hian vote thlaknaa hman tur EVM te a tha em tih endik niin an kalna tur Polling Station thliarfel a ni bawk. Kan district hi ECI engineer pali(4) pek kan ni a, EVM commissioning atanga Vote thlak ni thleng an cham dawn a ni.

2. E- ROLL:
Ni 9th April, 2024 khan Saitual District-a Political Party te chu Final E-Roll 2024 (continuous updation quarter 2) pek an ni a, hemi ni hian Polling Station list pek an ni bawk.

3. POLLING OFFICIALS:
Ni 9th April, 2024 khan Presiding Officer leh First Polling Officer(APRO) te tan 2nd Training Govt. Saitual College-ah buatsaih a ni a, ni 10th April, 2024 khan Polling Officer(PO) te tan 2nd Training Govt. Saitual College-ah buatsaih a ni leh bawk. Polling Officials te hian 3rd Training ni 17th April 2024 ah an nei leh dawn a ni.

4. HOME VOTING:
Ni 8th April, 2024 khan Saitual District a khaw 51-ah Home Voting kalpui a ni a, Home Voting-ah hian Kum 85 aia upa mi 135 in vote an thlak a, rualbanlo mi 48 in vote an thlak bawk.

Mi 11 in vote an thlak lo va, vote thlaklo te hi inentir a zin anni tlangpui.

5. AVES:
Ni 5th April, 2024 atanga 8th April, 2024 chhung khan Essential Service Elector te tan Postal Voting Centre(PVC) DC Office Saitual-ah hawn a ni a, vote thlak hun hawn chhung hian vote thlak dil mi 19 zingah mi 18 in vote an thlak a ni.

6. EDC:
Election Duty Certificate hi Ni 5 April kha dil tawp ni a ni a. EDC Certificate hi Ni 8-12 April chhungin DC Office-ah lam theih a ni a, EDC hi mi 658 hnenah pekchhuah a ni.

7. LAW & ORDER:
Election Dan leh Hrai kenkawh lamah nasa takin hma lak a ni a. Ni 8th April, 2024 khan CAPF phase khatna (ITBP) lo thleng tawhin, ni 12th April, 2024 hian CAPF phase hnihna(SAPF) lo thleng leh tura beisei an ni. Ni 10th April, 2024 atang khan Kualmawi, Keifang ah Naka Check post nileng zankhuaa sipaite duty na tur chu inbun fel a ni bawk. Saitual District a Critical Polling Station kan neihte (viz. Mimbung I, Mimbung II, NE Tlangnuam, Khawlian I & Khawlian II) ah hian CAPF section khat theuh an inbun tawh bawk a ni.

SVEEP: Hmun hrang hrangah campaign neih niin, social media hmanga campaign neih a ni bawk. Low Voters area, Mimbung, Hrianghmun etc pawh Sveep Nodal in a hmunah campaign a nei bawk.

Vawiin a weekly Press Briefing ah hian Saitual a chanchinbumite leh Election Officer Saitual leh DIPRO te an tel a ni.