4127/2023-2024

Dated Saitual the 12th March 2024: Vawiin Chawhma khan Mizoram puma District Skill Development Committee theuh te zinga India ram pawna hnathawk tur financial assistance pe hmasa ber ni turin District skill Development Committee, Saitual district hmalakna hnuaiah Pu Benjamin Vanlalnghaka, Physiotherapist, Saitual chu Singapore a hna zawm tur a thlahliamna hun Saitual DC Conference Room-ah hman a ni.

Saitual DC, Dr Lalngura Tlau, District Development Committee Chairman chuan an hun hman mek chu District skill committee tan chuan bungthar kaina lawmawm tak a nih thu sawiin thalai tamzawk te tun kum 2024 leh 2025 chhung hian singapore mai nilo, khawvel ram zau zawk ah te inthawn chhuak thei tura nasa zawka hmalak a phurawm thu sawiin hemi kawnga hmalatu rintlak tak mai Union ministry hnuaia permit neia thalai te tana hna zawn sak thei Jay Jay solution a awm te chu lawmawm a tih tuh thu a sawi bawk.

He hunah hian Pu Benjamin Vanlalnghaka chu District skill development committee atanga puihna sum an dah Cheng Nuai khat sing hnih (1.2lakh) chu 5% interest-in, kum 1 chhung atan puk turin inremna a sign pui a ni a, Progress Report te a tul anga pek thin a ngaih tur thu hrilhriat a ni bawk.

District Skill Development Committee, Saitual chuan an financial assistance programe in a ruahmmanna a lo siam tawh, India rampawn a thalai te hnathawk a chhuak duh te sum lama lo puihbawm ni se tih chu a tihhlawhtlin nan Saitual District chhunga thiamna nei, ram pawn a thawk duh, financial assistance mamawh si te chu ngun thluk taka committee hian a ngaihtuah hnu in Benjamin Vanlalnghaka hi thlan chhuah a ni ta a ni. A ni hi cheng nuai khat leh singhnih chu kum khat a 5% a pung turin puk tir a ni.

Vawiin hun ahhian Pu Jervis Lalramnghaka Chhakchhuak, Business Head, Jay Jay Solution, Aizawl te, Pu Benjamin Vanlalnghaka chhung te leh NGO hrang hrang aiawh te bakah District Skill Development Committee  atangin line department hrang hrang aiawhte an tel kim ṭha hle.