3729/2024-2025

Saitual, the 8th January, 2025: Vawiin chawhma dar 10:00AM khan Mizoram State Election Commission ruahman angin 21st General Election to Village Council, 2025 (qualifying date- 01.01.2025) Final Electoral Rolls chu DC Conference Room, Saitualah Asst. District Election Officer, Addl DC ni bawk Pu Lallawmawma chuan a tlangzarh.

He hunah hian Chairman Pu Lallawmawma chuan kalkhawmte hnenah lawmthu sawiin, VC roll hi siam zen zen a ni lova, kum 2022 MLA roll behchhana siam a ni, a ti a. MLA roll leh VC roll a inan loh avangin mi tam takin inthlan dawnah harsatna an tawk thin a, VC roll a chuang tura in ngai tam tak ten vote an neih ve ngei theih nan pawh uluk taka enfel a ni, a ti.

Vawiina VC Final Electoral Roll tlangzarh takah hian VC 46 ah Polling station 55 an awm a, chhungkaw 10743 awmin voters mipa 19894 leh hmeichhia 20387 an awm a , voters zawng zawng hi 40281 a  ni. Draft roll tlangzarh atanga final roll thlenga voters punna chu mipa 296 leh hmeichhia 585 niin an vaiin 881 an ni a, a punna chu 2.23% a ni.

Vawiina draft roll tlangzarhnaah hian ERO, AERO, SP Office aiawh, VLO, Political party aiawhte, tlawmngai pawl aiawhte an tel a ni.