2662/2024-2025

Saitual, the 23rd October, 2024: Vawiin chawhnu dar 1:00 pm khan  DC Conference Room, Saitualah, District Bawrhsap Dr. Lalngura Tlau kaihhruainain 2nd General Election to Sinlung Hills Council, 2024 lo awm tura Maxicab hman chungchangah Saitual Maxicab Owners Association hruaitute nen thutkhawmna neih a ni.

He hunah hian District Bawrhsap chuan State Election Commission hnuaia inthlang tur an nih avangin Maxicab Owner-te chu theihtawp chhuahpui turin a sawm a, khaw tual mite duhsak an nih thu a sawi bawk. 

Vawiin meeting ah hian 2nd General Election to Sinlung Hills Council, 2024 -a Maxicab- te hman man chungchang bakah, motor hman turte’n document fel fai leh driver-ten driving license (valid) an neih ngei a ngaih thute, motor khalhtuten rui chunga motor khalh phal a nih loh thute inhrilhtharna leh sawihona neih a ni. Maxicab motor hi 20 hman tur niin november ni 4 (Thawhtanni)-ah polling station panin an chhuak ang. MP Election 2024-a Maxi Cab hman dante thlir let a ni bawk.

He thutkhawmah hian District Bawrhsap Dr. Lalngura Tlau, Pu Lalthakima Chhangte, Election Officer, Pi F Zodingpuii, DIPRO leh Saitual Town Maxi cab Service Association hruaitute an tel a ni.