2661/2024-2025

2024 Khuangchawi thla ni 23: Vawiin khan Mizorama mimal enkawl ATM Booth hmasa ber dawttu, Pu HT.Khupa building, New Champhai, Traffic point opposite a awm chu Pu K.Zorammuana, Champhai District Addl.DC in a hawng.

Pu K.Zorammuana Champhai District Addl.DC chuan mipui mamawh tak mai Vakrangee Kendra, ATM Booth thar Mizorama private enkawl ATM pahnihna Champhaiah hawn a ni chu lawmawm a tih thu a sawi a. Champhai District tan hmasawnna pawimawh tak a ni tiin, Bank-a kal kher ngai lova ATM kaltlanga service pawimawh tak tak pekchhuah theih a nih thu a sawi.

Sumdawnna hmun pawimawh tak New Champhai kawna ATM Booth thar awm chuan mipuite tan remchang a siam ngei a beisei thu a sawi a. A hawnna a khawtlang hruaitute an tel chuan thawhhona tha tak a lantir thu pawh tarlangin, ATM Booth hawn thar chu a veng chhung mai nilo a chhehvel khua leh a neitute tan pawha hlawkna ni thei turin mipuiin tangkai takin hmang se a duh thu a sawi.

Pu. S.Lalrinawma, Master Franchisee pawhin  ATM booth hawn a nih theih nana an hmalak dan te a sawi a. Mizoram district hmun thenkhatah Vakrangee Kendra, ATM hi hawn tura buatsaih mek thu a sawi a. Mizoram chhungah ATM 30 vel hawn theih beisei a nih thu a sawi bawk. Mizoram ah Booking 11 a awm thu a tarlangin kumin October thla chhung hian Aizawl leh Lungleiah te hawn hman an tum thu a sawi bawk a ni.