2660/2024-2025

Aizawl the 23rd October, 2024 : Vawiin khan Mizoram State Project Monitoring Committee chuan ‘Construction of Multipurpose Ground at High Field, Mc Donald Hill, Aizawl’ chu an tlawh a. He hna hi Aizawl Smart City Ltd. hnuaiah Lushai Engineers, Ramhlun South, Aizawl ami te thawh mek a ni a. He hna hi 4th February, 2023 ah thawh ṭan niin thla sawmpariat (18) chhunga zawh tura tih a ni a. Hnathawh mek a nih laia harsatna hrang hrang avangin hna thawh zawh hun tur hi a tira tuk aiin a tlai hret dawn a, December, 2024 ah chuan zawh tum a ni. A tira sanction zat chu cheng nuai 1627.71 a ni.

Tunah hian hna 50% chuang hret thawh tawh a ni a. Hna hi chak lehzual a thawk turin a enkawltu Aizawl Smart City Ltd. hotute leh Contractor te hi an inruahman fel thawkhat tawh a ni. Hnathawh tawh chin hi a ṭha thawkhat in MSPMC chuan a hre bawk. Mizoram State Project Monitoring Committee Inspection Team hi Er. Lalthanzuala Ralte, Secretary in a kaihruai a. MSPMC Member tel te chu- Prof. Chawngsailova, Er. Sanghrima Chongthu, Er. Lalrinawma leh Pi Vanchhungi, Task Force te an ni. Aizawl Smart City Ltd. aṭangin Pu CC Lalchuangkima, CEO; Pu V. Lalruatliana, Deputy CEO; Pu Lalrosiama, EE, Civil leh Pu Kennedy Vanlalnunmawia, AE te an tel bawk. Tin, Lushai Engineers aṭangin Er. Lalbiaksanga; Arch. Lalhmachhuana leh Engineer dang te an tel bawk.

A hmunah hian hna inspection neih zawh ah hna chungchang sawihona ṭha tak neih zui a ni bawk.