643/2025-2026

Saitual, the 16th May, 2025: Vawiin chawhnu dar 1:00 khan NIC Room, DC Office, Saitualah hian District Bawrhsap, District Level Civil Defense Advisory Committee (DLCDAC) chairman ni bawk, Dr. Lalngura Tlau kaihhruainain Air Raid Mock Drill neih zawh tak enletna- review meeting neih a ni.

He hunah hian DLCDAC chairman, Dr. Lalngura Tlau chuan tluang taka Civil Defense Blackout Drill leh Air Raid Mock Drill zawh fel a ni chu lawmawm a tih thu sawiin, Incident Commander te, Responsible Officer te, chanvo nei zawng zawng te leh khawtlang mipuite thawhhona leh inpekna chu fakawm a tih thu a sawi. Bawrhsap chuan rikrum thil thleng thulha chetlak dan tur thiam nan nunchan zirna- mock drill neih chu a pawimawh hle tih sawiin, chetlak dana hmasawn ngaihna laiah te hmasawn tum theuh turin kalkhawmte chu a chah a ni.

Head Observer atana ruat Pu V. Laldinsanga, Project Director, DRDO pawhin Mock Drill endikna report a pe a, hma sawn ngaihna lai te a sawi bawk. Head Observer chuan Mock Drill-ah chuan chanvo nei ten tha takin an chanvo te an hlen chhuak tih a sawi a, chutih rualin chetlakna kawng hrang hrangah felfai tawk lo deuh a awm thin avangin tih tur inhrilhhriatna kawngah tan lak a ngai a ni, a ti.

Vawiin review meeting ah hian Dr. Lalngura Tlau, DLCDAC chairman, Pu Gaurav Tyagi, SP bakah hian Mock Drill kalpuina hmuna Incident Commander te leh Responsible Officer te an tel a ni.