1921/2026-2027

Dated Saitual, the 24th August, 2026: Vawiin khan DC Conference Room, Saitualah Ṭamdil Management Committee chu Pu Lallawmawma, Addl. DC kaihhruaiin an thu khawm a, Ṭamdil tihhmasawn chungchang an sawiho.

Vawiin thutkhawmah hian Pu Lallawmawma, Addl. DC chuan thu a sawi a, Ṭamdil enkawltu department ten an hma zawnah tha takin hna an thawk thin tih a sawi a, an hnathawhte khaikhawm turin Ṭamdil Management Committee chu January ni 27, 2024 khan din a nih thu a sawi. Addl. DC chuan Ṭamdil chu khualzin hiptu pawimawh tak a nih avangin hmasawnna project tha tak tak siam a tul a ni, a ti a, chutih rualin thing leh nungchate tichereu lo zawngin hmasawnna awm thei se tha tih thu a sawi bawk.

Vawiin thutkhawmah hian Ṭamdil Management Committee Member Secretary chu Fisheries department atang Tourism department-ah thlak ni se tih rel a ni a, Member-ah Tualbung khaw aiawh telh ni se tih rel a ni bawk.