1920/2026-2027

Lawngtlai, 24th August 2026 : Vawiin khan Lawngtlai Bawrhsap leh Chairman, Lawngtlai District Level Committee on Observance of Teacher's Day,2026 - nibawk Pu Donny Lalruatsanga kaihhruaiin DC Conference Hall-ah 'Teachers Day 2026' lawm dan tur rela thutkhawm a ni.

Pu Donny Lalruatsanga chuan kalkhawmte chibai bukin hlawhtling taka 'Teacher's Day'  hmang tura hmalak a pawimawh hle a ti a. Teacher’s Day-  chu zirtirtute zahawmna ni chauh ni lovin, zirna hlutna,  zirtirtute’n mihring nun siamthat  leh ram leh hnam chawikan bakah hmasawnnaah chanvo lian tak an neih  tarlanna ni pawimawh tak a ni, a ti. Teacher's Day 2026 - hlawhtling taka hman a nih ngei a beisei thu sawiin, Bawrhsap chuan District Level Committee chuan theihtawp a chhuah tur thu a sawi bawk.

Thutkhawmah hian thil pawimawh tak tak sawiho a ni a. Teacher's Day hi September ni 3, 2026 ( Ninga Ni) ah hman tura tih niin, School tin ten anmahni School - ah theuh lo hmang se tih a ni a. Zirtirtu zinga 'National Award leh State Award' dawngte hnenah chawimawina pek ni se, Teacher's Day puala Banner tar ni se; DC Office Complex, Areopagy, AOC Square,LADC Gate leh Chandmary Square - ah te tar ni se an ti a ni. National Foundation for Teachers Welfare (NFTW) tha taka khawn ni se, a hun takah State Working Committee ah chhunluh ni se an ti bawk a ni.

Vawiin hun hmannaah hian 'Lawngtlai District Level Committee on Observance of Teacher's Day, 2026' Member- te an tel kim tha hle a, Bawrhsap chuan lawmthu sawiin hun a khar.