1919/2026-2027

Lawngtlai, 24th August 2026: Vawiin khan Agriculture Technology Management Agency (ATMA) Governing Board, Lawngtlai District chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall-ah thutkhawm an nei.

Pu Donny Lalruatsanga chuan Member- kalkhawmte chibai bukin Farmer- te hnena thlai chin dan tha zawk hriattir, training neihpui leh sum lakluh tipung tura ATMA hmalakna fakawm a tih thu sawiin, hmalam hunah pawh thahnemngai tak a thawh a pawimawh hle a ti a. Lawngtlai District - a Loneitu tan theihtawp chhuah a tul hle tiin, an dinhmun chawikanna tur te; hlawk leh man man zawka thlai an thar theihna tura (ATMA) Governing Board, Lawngtlai District chuan hma  a lak zel tur thu a sawi bawk.

Pu Lalremmawia Colney, PD (ATMA) leh Member Secretary nibawk chuan 'Annual Action Plan' sawizauna a nei a. Kum 2026- 2027 chhungin "Training, Demonstration, Capacity Building, Farmer's Fair, leh  Exposure visit" atan Rs. 99,43,150/- ruahman a nih thu a tarlang a ni.

Thutkhawmah hian ATMA kaltlanga Lawngtlai District- a hmalakna tur kawng hrang hrangte sawihona neih a ni a. ATMA Management Commitee - in  'Annual Action Plan 2026-2027' atanga First Installment Rs. 31.987/- lakhs pawmpui tura a chhawpchhuah chu ATMA Governing Board, Lawngtlai District chuan lawm takin a pawmpui a ni.

Vawiin hun hmannaah hian Agriculture Technology Management Agency (ATMA) Governing Board, Lawngtlai District te an tel kim tha hle a, Bawrhsap chuan lawmthu sawiin thutkhawm a khar.