2998/2023-2024

Dated Saitual the 11th December 2023 : Vawiin khan Bank lam kaihhnawih District consultative committee leh district level review committee te Saitual DC Conference Room ah thukhawmna neih a ni.

Vawiin a DCC leh DLRC thuthkhawmna hi Chairman, Saitual Bawrhsap Dr Lalngura Tlau chuan kaihruaiin Saitual District chhung a Bank hrang hrang te hnathawh dan leh hmasawn zel dan tur te ngaihtuah ho a ni.

He thuthkhawmna ahhian 11/9/2023 a DCC/DLRC/DLSC meeting neih taka an thurel te an bawhzui dan thlirletna neih a ni a. Thurel langsar zual zingah venhimna chungchang te,Pawisa deposit (CD Ratio) chungchang te,Annual Credit Plan Disbursement(Priority & Non Priority Sector) te,Non Performing Assets chungchangte, Progress report under Agriculture(KCC) te, Progress under SHG linkage te sawiho a ni a.

Heng bakah sawrkar laipui ruahmanna hrang hrang - NRLM(National Rural Livelyhood Mission), NULM,leh loan chi hrang hrang - Kisan Credit Card (KCC), Prime Minister's Employment Generation Programme (PMEGP),Stand Up India(SUI),MUDRA te leh Financial Inclusion Plan chi hrang hrang FLC,PMJDY & Social Security scheme te tarlan tel a ni bawk.

He ?hutkhawmah hian report a a lan danin Security Guard hi duty indaihlohna a awm chungchangah Chairman chuan Security hi RO lamah request siam nise a ti a,Tin,CDR hi bank thenkhat a that rualin Bank thenkhat a hniam thu leh tanlak dan turte sawi ho a ni. Mutual Fund leh Insurance ah te tan lak deuh deuh a tul thu te,Kishan Credit Card(KCC) chungchangah Line department te nasa lehzuala tan la thar leh hram turin a chah bawk.

Dr Lalngura Tlau chuan NPA(Non Performing Assets)ah pawh tanlak a ngaih thu leh Meeting leh ah chuan hei aia hniam zawk a beisei thu te a sawi a,Loan la zingah sawrkhar hnathawk,loan rul thalo an awm thin thu report a awm chu pawi a tih thu pawh sawiin theih anga hmalak pui a inhuam thu a sawi bawk.

He hunah hian District Development Manager ,NABARD chuan PLP(Potential Link Plan) 2024-2025 Nabard in a siam chu a pharh a, Chairman Dr Lalngura Tlau chuan lawm takin a tlangzarh a ni. PLP ah hian Saitual District tan 78.37Crore dah a ni a, DDM chuan he proect hi Line department leh Bank kaltlanga hmuh a nih tur thu sawiin inpekna nasa zawk nei turin meeting kalte chu a sawm a ni.

He meeting ah hian Lead Bank Office-a Lead District Manager (serchhip) Pu Robert Zosangliana, Reserve Bank of India (RBI) LDO Shidaraj leh NABARD Champhai a District Development Manager(DDM) Pi H Lalhmachhuani te bakah, bank hrang hrang leh line department ai awhte an tel a ni.