1597/2025-2026

Saitual, the 25th September, 2025: Vawiin khan District Panchayat Resource Centre (DPRC) Supervision and Monitoring Committee Chairman, District Bawrhsap ni bawk, Dr. Lalngura Tlau hoin a pisaah DPRC chungchangah thutkhawmna neih a ni a, a hmunah tlawhin a enfiah nghal bawk.

He hunah hian Dr. Lalngura Tlau chuan thu asawiin, DPRC chu Rashtriya Gram Swaraj Abhiyan (RGSA) scheme hnuaia sak niin, LAD in an kengkawh a ni, a ti a. Village Council inrelbawlna tha leh lang tlang zawk khawtlangin an neih theih nana hmalakna a ni tih sawiin, DPRC-ah hian VC member te chu an riak lut thei dawn a, training te pawh an nei thei dawn a ni, a ti.

Saitual Bawrhsap chuan DPRC hi a hmunah tlawhin a enfiah a, hnathawktute chu an la thawh zawh loh lai te a rang lama zo turin a hrilh a, thla thar lamah LAD Minister hoa hawn theih beisei a ni.