4679/2025-2026

Saitual 3rd March, 2026: Vawiin khan DC Conference Room, Saitualah District Bawrhsap Pu Srinivas Sadi kaihhruaiin Saitual District-a Chapchar Kut 2026 lawm dan tur rel a ni.

Vawiin thutkhawmah hian February ni 23, 2026- a Chapchar Kut hman dan tur an rel te thlir letna hun hman a ni a, Pu Lalnunpuia, Secretary, Chapchar Kut 2026 Organising Committee kaihhruaiin kalkhawmte mawhphurhna leh chanvo hrang hrang te sawiho a ni bawk.

Saitual District-a Chapchar Kut hmanna pui ber chu March ni 13, chawhma dar 11-ah Saitual Vantlang Khelmual (Saitual Public Playground)-ah hman rel a ni a, Kut Pa atan Pu B. Lalchhanzova, Minister of State beisei niin, Kut Thlengtu atan District Bawrhsap Pu Srinivas Sadi beisei a ni bawk. Chapchar Kut thupui atan Zonun Zemawi Inremna ni se tih rel a ni.

Chapchar Kut 2026 hman dan tur relnaah hian Office hrang hrang hotute, Town Area a VCP te, Sub Hqrs YMA , Sub Hqrs MHIP & District MUP aiawh bakah Town Area a Branch YMA aiawh leh thuthar thehdarhtu te an tel a ni.