4678/2025-2026

Khawzawl, dated 3rd March 2026 : Vawiin chawhma dar 11 khan Kawlkulh Centenary Hall-ah Multipurpose Primary Agricultural Credit Society (M-PACS) hawnna hun neih a ni a, Pu Lalmalsawma, Joint Registrar Cooperation Department chu khuallian niin, Pu B. Lalchhanhima, DCO, Khawzawl chuan a kaihruai.

He hunah hian Pu B. Lalchhanhima, Chairman chuan kalkhawmte inhmelhriattirna leh inlawmna thu a sawi a. Pu Lianchhuma, Vice Chairman, Kawlkulh M-PACS Ltd. in hunserh hmangin, Pu C. Lalnunzira, Secretary, Kawlkulh, M-PACS Ltd. atangin Society report ngaihthlak a ni.

Khuallian, Pu Lalmalsawma chuan Kawlkulh khuaa M-PACS hawn theih a ni chu lawmawm a tih hle thu a sawi a. M-PACS awmzia leh khawtlang mipuite tana a tangkaina te bakah mipuiten awlsam zawka loan an lak theih dan te sawi fiahin, hemi atan hian mipuite pawhin mawhphurhna sang tak an neih thu a sawi a. Society hlawkna ai maha mipuiten tlawm zawka mamawh leh thil tha an lo hmuh ve theih nan te leh retheihna umbo nana hmanraw pawimawh tak a nih thu a sawi a. Thahnem ngai taka thawkho a tangrual tura sawmin, Memberte an lo pun zel theih nan thalaite pawhin awareness uar taka nei zel turin kalkhawmte a chah a ni.

He hunah hian Kawlkulh khaw chhunga NGO hrang hrang hruaitute pawh telin Pu Lalnithanga, Chairman, Kawlkulh M-PACS Ltd. in thilpek hlanna leh lawmthu sawina hun neiin hun tihtawp nghal a ni.