4531/2024-2025

Saitual, the 4th March 2025 : Vawiin chawhma dar 11:00 khan DC Conference Room, Saitualah District Bawrhsap Dr. Lalngura Tlau kaihhruainain District Agricultural Marketing Committee vawi 6-na an thu khawm a, Secondary Collection Centre hrang hrang atanga sawhthing hralh tawh dan leh stock dinhmun te, SEC tin te'n auction an kalpui dan tur leh hmalak zel dan turte sawiho a ni.

Thutkhawm kaihruaitu Dr. Lalngura Tlau chuan District Agriculture Marketing Committee (DAMC) tum 6-na an thu leh thei chu lawmawm a tih thu sawiin kut hnathawktuten rim taka an thawh rah an seng theihna chu a lawmna tizualtu a nih thu a sawi a. Sawrkar flagship programme tihhlawhtlin kawngah theihtawp chhuah lehzual tur leh ramri depa awmte pawh fimkhur lehzual tura a chah bakah sawrkar programme chu ram leilung fate tan chauh a nih thu a sawi bawk.

Vawiin meeting ah hian March Ni 4 (2:50PM) thlenga Secondary Collection Centre hrang hranga stock dinhmunte tarlan niin Saitual ah 98700kgs(aprrox), keifang ah 114791kgs, Ngopa ah 176876kgs, Phullen-ah 55200kgs, Suangpuilawn-ah 50111kgs, Phuaibuang-ah 87229 kgs te awmin avaiin 582907 kgs stock mek a ni. MAMB portal-a alan danin tun dinhmunah 4lakh (approx) kgs lak tawh niin chu chu sum faiin 2 Crore man hu a ni.

Thawh hnihna atana Saitual District chhunga Secondary Collection Centre hrang hrang pasarih(7)a sawhthing an dawn khawlte chu auction hun chhung siam niin a chhang huai berte hnenah hralh tur a ni ang. Auction chhangtute leina chu MAMB account ah a lut ang a, sawhthing hralhna man chu sawhthing chingtuten secondary collection centre-a an hralhna/bukna milin pek chhuah leh thin tur a ni ang. A thawh thumnaah chuan Secondary Collection Centre-a stock te tih ral zawh velleh dan pangngaia sawhthing lak chu kalpui lehnghal tur a ni ang a, stock tawh lovin a rawn lut hmasa apiang chu support price anga pek chhuah zel tur a ni ang.

Vawiin thutkhawmah hian Dr Lalngura Tlau, Saitual Bawrhsap, Pi Hmangaihthangi Renthlei, DAO cum Member Secretary, Pu Zairemkima,DCSO, Pu Jacob Lalmalsawma, DHO, Pi Zomuansangi, DFDO, Pu Peter Biakthansanga, RO, S&WC, Phullen Multipurpose Farming Society aiawhte bakah biakhlatna hmangin Saitual Dsitrict chhunga Secondary Collection Centre aiawhte leh Line Department hotute an tel thei a ni.