1958/2026-2027

Saitual, the 27th August, 2026: Vawiin chawhnu khan Saitual District Border Coordination Committee (SDBCC) chu an chairperson, District Bawrhsap ni bawk, Pu Srinivas Sadi kaihhruaiin DC Conference Room-ah an thu khawm a, Hrianghmuna Border Road leh a hungna “fencing” siamna tura ram lakna atana line marking leh survey hna kalpui mek an thlirho.

Vawiin thutkhawmah hian LR&S Department-in ram a lak chungchanga preliminary notification a tih chhuah hmasak berah 2500 sq.m chu ennawn niin, 5000 sq.m ah tih zauh a ni a, ram lak tur leh thlaite pawh pawh survey tawh niin, chhiar zawh fel vek a ni. Estimate-te chu siam a nih tawh bakah LR&S Department-ah thawn tura ruahman a nih thu ngaihthlak a ni bawk. BSNL Tower leh a kaihhnawih hmanraw dangte chu ram a zauh tawk tawh avangin dah a nih theih nan hma la zui turin Assam Rifles te ngen ni se tih rel a ni.

Heng bakah hian Service Road/Approach Road leh kea kalna kawng chungchangah dan anga chhiar ngai zawng zawng, ram teh leh survey thlengin tih zawh a nih tawh thute, calculation sheet chu LR&S Office, Saitualin September ni 4, 2026 aia tlai lovah lo buatsaihin, approval hmuh a nih theih nan LR&S Dept. hnenah report lo siam tura rel a ni bawk.

Border Fencing(10km) hna atana ram teh leh chhinchhiah hna BRO ten an thawh mek chu a chak thei anga thawk tur leh an dinhmun azira September ni 15, 2026 aia tlai lovah zo fel tura tih an ni bawk.

Vawiin thukhawmah hian Pu Srinivas Sadi, Chairperson & DC, Pu Tharun Patnaik Madala, SDO (S), Pi Mary L. Rodinpuii, AC (Revenue), Pu J. Lalawmpuia, SDC, Pu Hmingthansanga, SDPO, Saitual te bakah BRO leh Assam Rifles aiawhte an tel ni.