4138/2023-2024

Dated Saitual the 13th March 2024: Vawiin khan Saitual DC Conference Room-ah Lok Sabha inthlanpui 2024 lo awm tur atana mawhphurhna chanvo hrang hrang chelhtu Nodal officer a ruatte District Election Officer, Dr Lalngura Tlau hovin thutkhawmna neih a ni a, inthlanna a an hna chanpual theuh leh thil pawimawh dangte an sawiho a ni.

Vawiin thutkhawmna ahhian kan hma lawka inthlan lo awm tur atana chanpual hrang hrang te thlirhona neih a ni a, boruak muanawm tak hnuaia inthlanna neih a nih theih nan an ruahmanna te sawiho a ni.Dr Lalngura Tlau, District Election Officer chuan Lok Sabha Election chu Mizoram ah MLA Election angin ngaihhlut a ni tawk lo thin chu pawi a tih thu sawiin, India ram puma Lok Sabha a kan aiawhtur chhawpchhuak tur kannih angin theihtawp a tan lak a ,awareness pawh a tam thei ang bera kalpui a pawimawh thu a sawi a. Saitual Distict pawh MLA inthlan hmachhawn zo chiah a ni a, tin Nodal officer a ruatte pawh MLA inthlan a ruat tawh te a tam zawk annih avangin hma lak dan tur lo hre sa an ni hlawm a, chuvang chuan theihtawp a tan la lehzual turin a fuih a , duhsakna a hlan bawk a ni.

MP Election atana Saitual District Election Office in Nodal officers atana a ruatte hi an vaiin 16 niin, an mahni chanvo theuh a hma an lak tawh dan leh an hmachhawp te an tarlang a ni.