733/2026-2027

Saitual, the 27th May 2026: Vawiin chawhnu khan DC Conference Room, Saitualah, District Level Committee on Vibrant Village Programme-II (VVP-II) chu an Chairperson leh District Bawrhsap ni bawk, Pu Srinivas Sadi kaihhruaiin an thu khawm. 

Vawiin thutkhawmah hian Pu V. Laldinsanga, Project Director leh Member secretary ni bawk chuan Vibrant Village Programme-II (VVP-II) atana Village Action Plan hrang hrangte PPT hmangin a sawifiah a, District Level Committee on VVP chu 3rd September 2025 ah din a nih tawh thu sawiin, Saitual District chhunga VVP II kalpui tur khua thlan bik  Mimbung, Hrianghmun, Teikhang, Kawlbem leh Chiahpuite chu enfiah a nih tawh thu leh portal ah dah luh an nih tawh thute a sawi bawk. Ngopa RD Block-ah BDO kaihhruaina hnuaia Block level study team hnathawh hrang hrangte chu a tar lang bawk. Heng khua 5 hmasawnna atan hian vaibelchhe 15 chu ruahman a nih thu a tarlang a, committee member te chuan ngun taka an ngaihtuah hnuah he ruahmanna hi an pawm a ni.

Vawiin thutkhawm hi Pu Srinivas Sadi, District level on Vibrant Village Programme-II (VVP-II) chairperson & DC in a kai hruai a, Pu V. Laldinsanga, PD & Member Secretary, Pu Jacob Hlychho, Addl SP, Pu Samuel Malsawmzuala, BDO, Ngopa, Pu R. Vanlalfaka , SDC, te bakah VVP II District Level Committee Memberte an tel a ni.