442/2025-2026

Saitual, the 2nd May, 2025: Vawiin chawhnu dar 2:00 khan DC Conference Room, Saitualah, District Level Committee under Prandhan Mantri Matsya Sampada Yojana (PMMSY) chu an chairman leh District Bawrhsap ni bawk, Dr. Lalngura Tlau kaihhruainain an thu khawm. 

He hunah hian chairman Dr. Lalngura Tlau chuan Saituala Fisheries department hmalakna chu fakawm a tih thu a sawi a, sangha vulhtu tam tak ten hlawhtlinna an chan phah a ni, a ti. Bawrhsap chuan Sawrkar laipui scheme pawimawh tak PMMSY hnuaiah tanpui dilna tam tak a lut tih a sawi a, dilna zawng zawng pawm theih a nih loh avangin ngaihtuahna fim tak hmang chungin a rualkhai thei ang ber turin tanpuina diltute hi thlan thin an ni, a ti.   

Bawrhsap chuan sangha thar chhuah kawngah Saitual District chu an intodelh theih nan District Level Committee (DLC) under PMMSY te chu theih tawp chhuah zel turin a fuih a ni.  

Vawiin thutkhawmah hian DLC under PMMSY chuan PMMSY scheme hnuaia dilna hrang hrang lut te an enho a, Financial Year 2023-2024-a Integrated Fish Farming (Livestock cum Fish Farming) hnuaia dilna 72 lut zinga 40 thlan chhuah te chu Committee hian a pawm a ni. Financial Year 2024-2025 atana Integrated Fish Farming (Livestock cum Fish Farming) hnuaiah dilna 48 a lut a, heng zinga 20 thlan chhuah te chu pawm an ni bawk.  

PMMSY hnuaia sangha dil sak dilna Contruction of New Pond chu Financial Year 2024-2025 atan dilna 217 a lut a, heng zinga 20 te chu DLC hian a pawm a, Financial Year 2024-2025 atan vek hian Construction of New Rearing Pond dilna 82 lut zingah 30 thlan chhuah te chu DLC hian a pawm bawk a ni.  

Vawiin thutkhawmah hian Dr. Lalngura Tlau, Chairman, DLC under PMMSY & DC, Pi Zomuansangi, Member Secretary, DLC under PMMSY & DFDO te bakah DLC under PMMSY member te an tel a ni.