DIRECTORATE OF INFORMATION & PUBLIC RELATIONS, Government of Mizoram, India

448/2025-2026

Champhai, 2nd May 2025: SCERT Mizoram buatsaih ni hnih awh State Level Science, Mathematics & Environment Exhibition vawi 43-na kharna hun chu vawiin khan Govt. Champhai High School-ah hman a ni a. He hun hi Champhai Bawrhsap Pu Mohammad Aaquib chuan khuallian niin a hmanpui a, Pi Caroline Zoramthangi, Director, SCERT chu khualzahawm a ni.

Champhai Bawrhsap chuan zirlaite chu tum mumal nei turin a chah a, a bik takin pawl 10 zirlaite chu an result-in an kawng zawh tur thui taka a hril dawn avangin ṭhahnem ngai zual turin a chah a ni. Science Exhibition a zirlaite project chuan amahah phurna nasa tak a pe tih sawiin, ngaihtuahna thar chuan buaina awm mek te chinfel dan tur a pe thei a ni, a ti a. Zirlaite chu chik taka thil ngaihtuahtu ni zel tur leh Champhai leh Mizoramin harsatna a neih hrang hrang te ching fel a, ngaihtuahna thar hmanga ruahmanna ṭha zawk neitu ni zel turin a fuih bawk a ni.

Champhai Bawrhsap chuan Science Exhibition a tel zawng zawng te chu chhuanawm a tih thu sawiin, an zavaiin thil thar hriat belh duhna leh chik zawka thil ngaihtuahna thinlung nen an awmna hmun ṭheuhah hma lo zel turin a chah a. Pu Mohammad Aaquib chuan Champhai District-a zirlai ten Virtual Reality, Augmented Reality leh Artificial Intelligence te an hriatfiah theih nan Experiential Learning Centre Exposure Tour May ni 16 khian neih a ni dawn tih tarlangin, he huna tel ṭheuh turin zirlaite a sawm bawk a ni.

He hun hi Pi K. Lalsiamliani, District Education Officer (DEO) chuan a kaihruai a. Pu Lalliansanga, Deputy Director, SCERT; Dr. Ngainunsiami, Asst Professor, Govt. Champhai College leh Dr Rishikesh Kumar, Asst Professor, NCERT ten thu an sawi bawk a ni.

State Level Science, Mathematics and Environment Exhibition (Rajya Stariya Bal Vaigyanik Pradarshini) hi kum 1978 aṭanga neih ṭan a ni a. Kumin hi vawi 43 neihna a ni. Inelna thupui atan Science & Technology for Sustainable Future hman niin - theme sarih :

Involvement of the Children, Originality and Innovation, Scientific Thoughts and Approach, Technical Skills, Utility, Economic Viability and Portability leh Presentation te hmangin zirlaite thil siam hi endik a ni a. He huna tiṭhate hian National Level-ah State ai an awh ang. Category hrang hrang a lawmman dawngtute chu:

Mathematical Modelling & Computational Thinking

SI.No	Name	School	Model	Position
1	Daniel Thangsuanpianga	Govt GM HSS, Champhai	Concrete model of algebraic identities	1^st
2	Vanlalpekhlua	Govt Champhai HS	Pythagorean theorem in real life	2^nd
3	Lalrinsangi	Govt Pianghleia HS	Lines & Angles	3^rd

Disaster Management

SI.No	Name	School	Model	Position
1	Martin Zorammawia	Govt. Nisapui HS	Safe method for construction of RCC Building	1^st
2	B.Lalruatpuia	Govt Chaltlang HS	Earthquake detector	2^nd
3	C.Lalchhuankimi	Govt Pianghleia HS	Landslide management	3^rd

Waste Management

SI.No	Name	School	Model	Position
1	Lalnunthari sailo	Govt GM HSS, Champhai	Household waste management	1^st
2	Vanlalawmpuii	Bethel Mission School	Community biogas plant	2^nd
3	Zonunsanga	Govt Chaltlang HS	Recycle air pressure hand pump	3^rd

Natural Farming

SI.No	Name	School	Model	Position
1	K lalnunhlui	Govt Gm HSS, Champhai	Inter cropping mulching method	1^st
2	BVL Hruaitluanga	BC Lalthlamuana Eng Academy	Efficient & environmentally safe agriculture	2^nd
3	Ruthy lalhruaitluangi	PES, Mamit	Vermicomposting of dairy farming	3^rd

Resource Management

SI.No	Name	School	Model	Position
1	Angela Ramthianghlimi	Govt Chaltlang HS	Rain water harvesting	1^st
2	Vanlalrinawma	Govt Champhai HS	Hydraulic press	2^nd

Food Health & Hygiene

SI.No	Name	School	Model	Position
1	F Lalrintluangi	BC Lalthlamuana Eng Academy	Healthy living	1^st
2	Naom Lalruatfeli	Govt Pianghleia HS	healthy eating	2^nd
3	B Lalawmpuia	Eiensteing HSS	The Human Lungs	3^rd