1961/2026-2027

Saitual, the 27th August, 2026: Vawiin khan DC Conference Room, Saitualah, Mission Organic Value Chain Development for North East Region (MOVCDNER) hnuaiah District Level Monitoring Committee chu an chairperson, District bawrhsap ni bawk, Pu Srinivas Sadi kaihhruaiin an thu khawm a, mission hnuaia Farmer Producer Company (FPC) ten sum an hman dan te, infrastructure siam leh hnathawh tan dan turte thlirho a ni.

Vawiin thutkhawmah hian scheme hnuaia FPC te tan - thlai lakkhawm leh dahkhawmna Centre (Collection and Aggregation Centre) leh phurhna lirthei (Transport Vehicle) te pawm remtihna tur leh Sialkal Organic FPC Pack House (Teikhang) leh Mawmrang Organic FPC Pack House (Pawlrang)a sawhthing sawngbawlna khawl atana tui leh electric lak luh dan turte sawiho a ni bawk.

Vawiin thutkhawm hi Pu Srinivas Sadi, Chairperson & DC chuan a kai hruai a, Pi Mary Lallawmkimi, DAO, Pu Jacob Lalmalsawma, DHO, Pu Christopher Lalremruata, SDO, P&E, Pu Lalchhuanawma , AE, DRDO, Pu Lalrawngbawla, CEO, Mawmrang FPC te bakah biakhlatna hmangin Pu Samuel Malsawmzuala, BDO, Ngopa, Er. Lalpektluanga, Sr EE, PHE, Pu Lalnghawrliana, Lead District Manager-te an tel bawk a ni.