480/2025-2026

Dated Saitual, the 6th May 2025: Vawiin chawhnu dar 1:00 khan DC Conference Room, Saitualah, District Bawrhsap Dr. Lalngura Tlau kaihhruainain District Level Monitoring and Implementation Committee an thukhawm a, Saitual District chhunga Primary Agricultural Credit Societies (PACS) computerised tur thlanna neih a ni.

He hunah hian Dr. Lalngura tlau chuan thu sawiin, PACS chu thingtlang lama awmte tan a thain a tangkai lehzual tih a sawi a, mi rinawm tan chuan sum mamawh awlsam leh rang taka loan hmanga lak theihna a ni, a ti. Bawrhsap chuan PACS chu thawkrim leh taimate din chhuah nana sawrkar laipui hmalakna ṭha tak a ni, a ti.

Vawiin DLMIC meetingah hian Lailak leh Sihfa PACS te chu computerised tura hmalak zui rem tih a ni a. Saitual District-ah hian PACS pahnih Khanpui leh Teikhang PACS te chu computerised tawh niin hman tan (go live) an ni tawh bawk.

Vawiin thutkhawmah hian Dr. Lalngura Tlau, DC, Pi Lalhmachhuani, DDM, NABARD, Champhai, Pu Lalthangfala, DCO, Pu H Lalhmangaihzuala, Manager, MCAB te an tel a ni.