479/2025-2026

Aizawl the 6th May, 2025 : Er.Lalhriatpuia, IAS, Deputy Commissioner leh Chairman, District Disaster Management Authority, Aizawl District ni bawk chuan Civil Defence Mock Drill chungchanga mipui te hriat tur a hnuaia a mi ang hian thuchhuah a siam.

Ministry of Home Affairs, Govt. of India hmalakna in India ram a Civil Defence District 244 a Mock Drill neih turah Aizawl District a tel ve a. He Mock Drill-ah hian Aizawl khawpuiah Air Raid awm anga drill neih tur a ni a.

Ni 7.5.2025 (Nilaini) Dar 11:00 am ah D.C Office, Aizawl atangin siren tih rik a ni dawn a. Mock Drill hi AIR station, Tuikhuahtlang leh Civil Hospital Aizawl inkar a neih tur a ni.

Tin, Ni 7.5.2025 (Nilaini) Tlai dar 6:30 pm - 6:35 pm chhungin Siren ti ri lehin Black Out a awm dawn a, hemi chhung hian Aizawl khawpui chhungah power supply tih tawp vek a ni dawn bawk a ni.

He Civil Defence Mock Drill hi India ram pum a Civil Defence System dinhmun enna tur a ni a chuvangin he Mock Drill neih turah hian mipuite chiai lo turin kan in ngenin kan in hriattir e.