2424/2026-2027

Dated Saitual, the 29th September, 2026: Vawiin khan District Level Narco Co-ordination Centre (NCORD) Committee chu an chairperson, District Bawrhsap ni bawk Pu Srinivas Sadi kaihhruaiin an thukhawm a, he hunah hian Pu Vivek Kumar Maurya, Member Secretary, NCORD leh SP ni bawk chuan an hmalak tawhnate, ruihhlo tawlh ruk an man chungchangte, khawtlang hruaitute nena an thawhhonate leh ruihhlo tawlhna kawng hrang hrangte report a pe a ni.

Vawiin thutkhawmah hian Pu Srinivas Sadi chuan kalkhawmte hnenah lawmthu sawiin, NCORD member-te chu theih tawp chhuah zui zel turin a sawm a, ruihhlo dona kawngah mahni hma zawn theuhva ngaihtuahna seng chhunzawm zel turin a chah bawk a ni.

He thukhawmah hian District Level NCORD member-ten ruihhlo do kawnga meeting hnuhnung ber August ni 31, 2026 atanga vawiin meeting thlenga an hmalaknate report ngaihthlak niin Saitual DEF te hian Heroin 0.517 kg @ ₹1,03,40,000/-, Methamphetamine, 67.817 kg @ ₹54,25,36,000/-, Morphine, 5.025 kg @ ₹8,11,20,000/- an man a, mihring - 10, lirthei - 6 man niin ruihhlo zawng zawng hi  73.359 kg an man a, sum faiin  ₹63,39,96,000/- man hu a ni.

Heng bakah hian Excise & Narcotics Department chuan zu litre165 an man a, Thanglailung-ah zirlaite hnenah awareness leh signature campaign an nei bawk a ni. DEO huaihawtin Secondary School Sports-ah ruihhlo do campaign neih a ni a, DCPO-ah NDPS hnuaiah thubuai pakhat ziah luh a ni a, Observation Home-ah dah a ni. 34th AR, Ngopa Post-ten operation vawi 5 an lo nei tawh bawk.

Vawiin thutkhawmah hian Pu Vivek Kumar Maurya, Member secretary NCORD & SP, Pu Lalhmingthanga, Asst. Commissioner of Excise & Narcotics, Dr. Zothanpari Chhakchhuak Dy. CMO, Saitual District Hospital, Pu Laldingliana, DEO-te bakah NCORD Committee member-te an tel a ni.