2425/2026-2027

Lawngtlai, 29th September 2026 : Vawiin khan DC Conference Hall-ah 'Sensitization Programme on Mizoram Cleanliness Competition 2026' neih a ni a. Pi  TT Beikhazi, Addl. DC chuan hun kaihruaiin Pu Donny Lalruatsanga chuan a hmanpui.

Pu Donny Lalruatsanga chuan kalkhawmte chibai bukna neiin, faina leh thianghlimna kawngah sawrkarin theihtawp a chhuah mek tih a sawi a. District Level Meeting - pawh vawi tam tak neih lo ni tawhin, ruahmanna hrang hrangte pawh duan a ni, a ti. Mizoran Cleanliness Competition2025 - ah Lawngtlai District - dinhmun a chhuanawm loh hle a, khawpui failo ber dawttu a ni a,hetiang reng a awm a tha lo tiin hmalam pan a ngaih thu a sawi a.Faina leh thianghlimnaa hmasawn turin hmalakna pathum - Stand Up Lawngtlai, CEM Cleanliness Competition leh Bawrhsap Award - kalpui mek niin, heihian rah tha a chhuah tan mek a ni, a ti. District dangte nen a khaikhinin Lawngtlai district chu zauiin khua pawh a tam em em a, hemi avang hian tan zual a ngai hle a ni, a ti. Bawrhsap chuan Mizoram Cleanliness Competition 2026 - ah Lawngtlai District- in dinhmun tha zawk a hauh theihna turin District Administration leh ADC ten theihtawp an chhuah thu a sawi a. Sawrkar pui bawm turin NGOs leh mipuite an pawimawh tak zeta, faina leh thianghlimna kawngah rilru thar pua theihtawp chhuahpui turin Lawngtlai Distrtic mipuite a sawm nghal bawk.

Pi VL Ramnunsangi, Manager, NULM chuan Mizoram Cleanliness Competition - nihphung tlangpui  a nei a. A bik takin Mizoram Cleanliness Competition 2026 - a Criteria hman tur hrang hrangte, VC, NGOs leh mipuiten faina leh thianghlimna kawnga tha an thawh ve theih dan leh hmalak ngaihzualna kawng hrang hrangte sawizauna a nei bawk a ni.

Vawiin hun hmannaah hian Lawngtlai khawpui chhunga Village Council (VC), YLA Branch, LWA leh MHIP Branch - te an tel thei a ni.