3933/2024-2025

Saitual, the 23rd January, 2025: Vawiin chawhma Dar 11:00 AM khan District Level Stakeholders Consultation (Exit Stragedy Meeting), Zawlbuk, Keifang Venghlun, Saitualah neih a ni. He meeting hi Pi Hmangaihthangi Renthlei, District Agriculture Officer chuan kaihruaiin District Bawrhsap, FOCUS/DLCC Chairman ni bawk Dr. Lalngura Tlau chu khuallian niin hun a hmanpui.

He hunah hian FOCUS/DLCC Chairman Dr. Lalngura Tlau chuan FOCUS chungchang sawiin project period chu kum ruk(6) a ni a, a lo tawp dawn tak avangin a neitu nihna chu an kutah a awm tawh tur thu kalkhawmte hnenah a sawi a. Sawrkar scheme angah chuan project-a awmin period a zawh chuan a neitu hnena hlan a ngai thin ang hian enkawl zui chu an kutah a awm a ni tih sawiin, enkawl a, lo chhawm nung a, eizawnna ngial nghet leh hlawk zawk a thlaite an thar ṭheuh theih nana hmang tangkai turin duhsakna a hlan nghal a ni.   

Vawiin meeting-ah hian DLCC Chairman leh DC ni bawk Dr. Lalngura Tlau bakah Dr V. Vanneihtluanga, Dy Director (Vety), Pu PC Malsawmhlua, Secretary, CCA FIG, Phullen, Pu Zoramchhana, President, WRC-II FIG, Saitual te chuan thu an sawi a ni.  

FOCUS hnuaiah hian loneitu leh thlai chingtuten an chhawr tangkai theih thil tam tak link road laih, suspension bridge, tanky, check dam etc te bakah mimal leh khawtlangin an chhawr theih tur thilte siam thin a ni a, a lo tawp takah chuan enkawltu nihna chu FOCUS hnuaia FIG hrang hrangte kutah an hlan chhawng ta a ni. Inhlanna lehkha hi FIG leh DPM in copy 1 ve ve an kawl dawn a ni.

Programme hi 1st session leh 2nd session ah te then niin handover programme hi Pi Hmangaihthangi Renthlei, District Project Manager & DAO, Saitual chuan a hmang a, Pu J.Lalhriatpuia,Asst.Manager (Planning) FOCUS, Saitual District chuan kalkhawmte hnenah lawmthu sawiin hun a khar a ni.