3932/2024-2025

Dated Saitual the 23rd January, 2025 : Vawiin khan DC Chamber, Saitualah 21st General Election to Village Councils 2025  lo awm tur atana ruahmanna hrang hrang te sawiin Pi Marilyn Rualzakhumthangi Election Observer, Dr Lalngura Tlau, DEO, Pu Lallawmawma, Asst. DEO, Pu Lalthakima Chhangte, EO leh Pi Christina Lalnunfeli, SDC/ERO te chu an thu khawm. 

He thutkhawmah hian 21st General Election to Village Councils 2025 lo awm tur atana ruahman hrang hrang  Schedule of Election, Nodal Officers, Sector Magistrate, Returning Officer, Presiding Officers leh Polling Officers ruat tawh thu te, Final Electoral Roll 2025 te bakah Villages/Polling Station te, vote chhiar dan tur tlangpuite thlir ho niin, inbuatsaih zui zel dan tur te sawi ho a ni bawk.

DEO Dr. Lalngura Tlau chuan Election chungchangah thawhhona a that avangin State Election Commision in thuchhuah an siam te rang takin an bawhzui fel thuai thin thu a sawi a, election lama thawktute leh department hrang hrangte thlawpna avanga an inpeih hma thin thute, thawhhona tha tak an neih zel avanga lawmawm a tih thu observer hi a lo hrilh a ni. 

Observer hian Saitual District chhunga polling station hrang hrangte tlawh kual nghalin RO te chu nomination file chungchangah scrutiny te a neihpui zui ang a, DC office-ah mipuite hmuh leh dawr theih turin a thutchilh nghal dawn bawk a ni.