3931/2024-2025

Saitual, the 23rd January, 2025: Saitual District chhungah Tobacco Products chi hrang hrang zuar kan tam ta hle a. Hengte hian kan hriselna a khawih chhiat mai bakah kum tlinglo zirlai naupang tak takte rilruah nghawng thalo a nei thei a. Kan zirna in (educational institution) hrang hrang leh zirlai naupangte heng Tobacco Products leh E-Cigarettes atanga an fihlim theihna turin thupek chhuah a tul a ni.

Chuvangin, Dr. LALNGURA TLAU, District Magistrate, Saitual District chuan Bharatiya Nagarik Suraksha Sanhita, 2023 Section-152-in thuneihna a pek angin he khapna thupek hi a chhuah:-  

1. Saitual District chhungah mi tumahin kum 18 hnuailamte hnenah Tobacco Products leh E-Cigarettes an zawrh emaw hralh tur a ni lo. 

2. Saitual District chhunga zirna in (educational institution) atanga meter 100 aia hnaiah mi tumahin Tobacco Products leh E-Cigarettes an zuar emaw hralh tur a ni lo. 

He khapna thupek zawm lote chu Bharatiya Nyaya Sanhita, 2023 Section-223 leh Section-24 of Cigarettes and other Tobacco Products (Prohibition of Advertisement and Regulations of Trade and Commerce Production, Supply and Distribution) Act, 2003 leh Section-77 of Juvenile Justice (Care and Protection of Children) Act, 2015- hmanga hrem an ni ang. 

He thupek hi vawiin 23rd January, 2025 hian District Magistrate Dr. Lalngura Tlau chuan court seal nen a hming a ziah hnan a ni.