3930/2024-2025

Champhai, 23rd January 2025: Vawiin khan Champhai District-a Village Council inthlanpui buatsaih tura mawhphurhna hrang hrang chelh tura ruat, Nodal Officer-te chu vawiin khan Pu VL Remliana, District Election Officer hovin Champhai DC Conference Hall-ah an thu khawm a. Inthlan felfai leh hlawhtling tak buatsaih a nih theih nana ruahmanna hrang hrang an sawiho.

Pu VL Remliana chuan Nodal Officer-te chu an mawhphurhna theuh ṭha taka hlen chhuah tum tur leh inthlan muanawm leh felfai a awm theihna turin an hma zawn theuha hna awm te a hun tak thawk turin a chah a. Hemi hnu hian mawhphurhna peng hrang hranga inpuahchahna kalpui dan tur leh thil pawimawh hrang hrang sawiho zui a ni.

Champhai District-ah hian Village Council 62 a awm a, VC Inthlan hi February ni 12 ah neih tur a ni a. Vawiin tlai dar 03:00 thleng khan inthlan chuh tum te tan hming pek luh hun hawn a ni a, naktuk hian nomination endik tur niin, inhnukdawk duh te tan thawhṭanni (27.01.2025) chawhnu dar 03:00  thleng hun hawn a ni.