1082/2026-2027 

Saitual, the 19th June, 2026: Vawiin khan DC Conference Room, Saitualah fur lo thleng meka khuarel chhiatna laka kawnga kal mipuite an him zawk nan District Road Safety Committee leh District Highway Safety Task Force chu an chairperson, District Bawrhsap ni bawk Pu Srinivas Sadi kaihhruaiin an thu khawm.  

He hunah hian District Bawrhsap Pu Srinivas Sadi chuan furpui a lo thlenin kawnga chetsualna (accident) chu a thleng nasa thin hle a ni, a ti a, mipuite an him zawkna ngaihtuaha theih tawp chhuah a tul a ni, a ti.  

Vawiin thutkhawmah hian kalkhawmte chuan kalkawnga leimin a awm changa rang taka inbiakpawhna tur Whatsapp group siam ni se tih rel a ni a, chutah chuan NHIDCL te, officials te bakah YMA te pawh tel tura rel a ni. SP Office lamin accident thlen dan data zawng zawng te an lo la khawm ang a, Accident thleng te hi MyBharat portalah 29th June, 2026 chhunga upload tura rua hman a ni bawk. 

Hei bakah hian District Road Safety Committee leh khawtlang hruaitute tangkhawmin accident thlen tamna hmun te zawn chhuah a, chhinchhiah tura rel a ni. NH-06 leh NH-102 B ina a pal tlang kawnga tui luan kawr (drainage) inhnawh zawng zawng te chu June ni 30 hmain tihfai (clear) vek tura tih a ni bawk.  

Vawiin thutkhawm hi District Road Safety Committee leh District Highway Safety Task Force chairperson, Pu Srinivas Sadi in a kai hruai a, member te an tel a ni.