3626/2024-2025

Saitual, the 19th December, 2024 : Vawiin chawhnu dar 2:00 pm khan DC Conference Room, Saitualah District Bawrhsap Dr. Lalngura Tlau hovin Good Governance Week 2024 ( Prashasan Gaon Ki Ore) hawnna hun hman a ni.

He hunah hian District Bawrhsap Dr. Lalngura Tlau chuan Good Governance Week 2024 hawnna hun hman a ni chu lawmawm a tih thu a sawi a, Good Governance Week hman a nih chhan leh a pawimawhna te a sawi bawk. Bawrhsap chuan Good Governance chu sawrkar hnathawk zawng zawngin an hriat a pawimawh a ti a, sawrkar hnathawkte hi mipui tana hnathawk tur an ni tih hria a, mipui dawrna kawngah pawh fel leh hawihhawm inzirtir a tul tih a sawi.

Dr. Lalngura Tlau chuan mipui ten dikna chanvo kan neih zinga pawimawh tak RTI hmanga engkim hriat theih a ni tawh tih sawiin, hei hi sawrkar langtlang leh tha, Good Governance siam tura hmanraw pawhmawh tak a ni, a ti a. Bawrhsap chuan Good Governance Week 2024 chhunga ruahmanna awmte tihlawhtling tura theih tawp chhuah turin kalkhawmte a chah bawk a ni.

Sawrkar laipuiin a ruahman angin Good Governance Week 2024 hi 19th - 24th December, 2024 chhunga hman tur a ni a, vawiinah a hawnna hun hi hman a ni.