860/2026-2027

Saitual 5th June, 2026 : Vawiin khan DC Conference Room, Saitualah Pu Lallawmawma, Addl. DC kaihhruaiin District Level Committee on Green Mizoram Day an thu khawm a, Green Mizoram Day 2026 hman dan tur an rel a ni. 

He thutkhawmah hian Pu Andrew Lalthlamuana, ACF, Aizawl Forest Division chuan kum kalta lama GMD hman dan tlangpui report a pe a, hun hman dan tur rel chhunzawmin ruahmanna hrang hrang an siam a ni. 

Kalkhawmte hian Green Mizoram Day Inaugural Function hi June 11, Ningani zing dar 7:00-ah Keifang Venghlun YMA Zawlbukah hman an rel a, khuallianah Saitual DC Pu Srinivas Sadi a ni ang. Kumin GMD thupui chu ‘Thing hi rangkachak anga hlu, Nunna tinreng bul a ni’ tih a ni.

Kumin Green Mizoram Day pual hian thing ṭiak chi hrang hrang phun rel a nih rualin kum kal ta lama thing phun tawh hmun hma tihfaia enkawl chhunzawm chu an ngaih pawimawh thu an sawi a, thingtiak phun duh ten Forest Department-ah an mamawh zat hriattir ni se, Forest department te hian a mamawh te hnenah thingtiak te hi dah sak zel dawn a ni. Thingphun tawh hmunhma tifaia hma la turin zirna in lama thuneitu hriattir ni se tih rel a ni a, an ni hian zirna in hrang hrangte kum kalta lama enkawl tura an chanpual thinah hma lo la tur leh ruahman belh a ngaih pawh a,  ruahmanna lo siam tura tih an ni. 

Vawiin ṭhutkhawmah hian District Level Committee on GMD member-te an tel a ni.