1339/2026-2027

Saitual, the 8th July, 2026: Vawiin khan DC Conference Hall, Saitualah Addl. DC Pu Lallawmawma kaihhruaiin Independence Day Celebration Committee chu kumin Independence Day 2026 lawm dan tur relin an thu khawm.

He hunah hian Addl. DC Pu Lallawmawma chuan Independence Day lawmna atan inbuatsaihna leh bawhzui ngai te a tam thin avangin thutkhawm hma a tul thin tih a sawi a, senso kawngah te pawh a hautak thin avangin department tin te chu pawisa thawh khawm kawngah te inhawng turin a sawm nghal a ni. Addl. DC chuan kum tina an lawm thin India ram zalenna ni ropui tak chu kumina pawh tluang taka lawm a nih theih nan khawtlang hruaitute leh department hotute chu an chanvo theuh te tha taka hlen chhuak turin a ngen a, thawhhona tha tak an neih a beisei thu a sawi bawk.

Vawiin thutkhawmah hian Independence Day 2026 hman dan tur te ngaihtuahho niin, hlawhtling leh tluang taka hman a nih theih nan Sawrkar department hrang hrang te chu chanvo pek nghal an ni.  Independence Day 2026 hi zing dar 10:00, August ni 15, 2026-ah hian Keifang Centenary Sports Complex-ah neih tura rel a ni.