1518/2023-2024

Dated Saitual the 15th August 2023: Vawiin khan India Independence Day vawi 77-na chu Keifang Centenary Sports Complex, Saitual ah ropui taka lawm a ni.

He Independence Day lawmna ah hian Khuallian R Lalzirliana , Power and Electricity Minister chuan zing dar 10:00 ah India Hnam Puanzar pawt pharhin Parade Contingent 16 te chibai a chhang let.

Kuallian chuan Independence Day Vawi 77 na hmang tura Saitual mipui kalkhawmte chu chibai a buk a. India chuan zalenna sual tu te chu a hre reng a ni tih sawiin mipui te pawh in zalenna hlut zia hria a India ram mipui sawrkarna Democracy vawng him zel tur a khua leh tui tha tak kan nih a ngai a ni, a ti. Minister chuan remna leh muanna chu a thlawn a neih ngawt theih a ni lova, ram mipuite in lungrual taka thawhho a ngai a ni, a ti.

Saitual District chuan district a nih atanga kum 4 chhung lek in hmasawnna nasa tak a hmuh thu a sawi a, mipuiten sawrkar chunga rinna an nghah ngam avanga lawmthu a sawiin, district thar a nih vangin vawilehkhatah engkim a tihfel theih loh a, harsatna tam tak karah a tihchangtlun hna thawh mek zel a ni, a ti.

Minister R. Lalzirliana chuan hmasawnna atana sawrkar hmalakna hrang hrangte tarlangin, Saitual in kum 4 liamta chhunga heng a hnuaia tarlan te hi hmasawnna a hmuh lian tham tak tak te anni, a ti.

1. Saitual Civil Sub Division ni thin chu District puitlin a hlankai a ni
2. Tun dinhmun ah District Office puitling 18 a awm mek a ni.
3. Sawrkar office hi 27 a awm
4. Hydel power project kawlbem ah leh Tlawva ah siam a ni
5. Saitual bawrhsap pisa chu luah mai theih tura sak a ni
6. Saitual District chu Superintendent of Police in a rawn thutchilh
7. PMGSY scheme hnuaiah cheng 4348.19 lakh hman a ni a, SEDP ah 1785.29 lakh leh SASCI scheme atangin cheng 1025.13 lakh hman a ni. Heng bakah hian PWD leh Department dang atangin scheme chi hrang hrang kalpui a ni bawk.
8. District Education office hnuaiah Primary atanga Higher Secondary thleng in zirna in 199 a awm mek.
9. District Agriculture Office Saitual leh FOCUS, DMU SAITUAL hmalakna in loneitute tan hamthatna hrang hrang pek a ni. PMKSY hnuaiah chhungkaw 30 hnenah Water Harvesting Structure cheng 90000 man hu pek chhuah a ni.
10. District sericulture office hnuaiah pangang vulha eizawng chhungkaw 150 vel an awm a, pangang chi 3, Eri, Muga leh Mulberry te vulh a ni. SILK Samagra Project hnuaih pawh beneficiaries 45 te Land development tur atan Financial Assistance pek anni
11. PHE a JJM hnuaiah chhungkaw 9118 hnenah tui connection pek a ni tawh. SBM hnuaiah Community Centre hi khaw pahnih - maite leh sihfa ah Rs 300000 man ve ve siam a ni tawh a ni.
12. Kayakalp 2023 ah CHC Category ah Saitual chuan lawmawm pakhatna a la
13. EF&CC department pawh in an hmalakna dang zingah Tamdil Wetland Herberium and Interpretation Centre a hawng
14. District Urban Development Office hnuaiah kum kalta chhung khan PMAY beneficiaries 1177 awmin Day NuLM festival te pawh hman a ni. Heng bakah hian tanpuina chi hrang hrang sem chhuah a ni bawk
15. Mipui ten chatlak lova eibar leh gas ah te an changtlun theih nan DCSO office pawh hawn a ni
16. DFDO hnuaiah sangha khawia eizawng kumin chhungin mi 27 hnenah tanpuina pek anni tawh a Pond construction atan tanpuina pek thin a ni bawk
17. DRO office in an hna pangngai bakah Saitual District Agriculture Census pawh 2021-2022 chhubg khan Saitual District a khaw hrang hrang ah neih a ni.
18. District AH&Vety Office pawh tha taka function in Family oriented SEDP leh ranvulhtute tanpuina hrang hrang
19. District Rural Development office pawh building thar sak niin MGNREGA hi Job Card hloder mi 12164 an awm mek ani. PmAY Grameen leh PMKSY - 2 kaltlang in hmasawnna hrang hrang thawh a ni bawk.
20. District Treasury Office pawh Officer leh Staff Full strength in a function tawh a. Bill pawh IFMIS hmanga siam vek tawh a ni.
21. District Child pretection unit oawh in naupang te venhimna leh an dinhmun chawikan nan kawng hrang hrang in hma an la mek a ni
22. Saitual District a Ngopa VC te chuan National Panchayat Award lawmman pakhatna an la a, Pawlrang VC ten SDG village indicator framework ah pakhatna an hauh bawk.

Minister chuan heng tarlan bakah hian hmasawnna chi hrang hrang tamtak awm te chu tarlan sen a ni lo, a ti a. Covid vanga economy chaklo tak karah pawh sawrkar hnathawk te leh khawtlang hruaitute pawh mipui te tan theihtawp an chhuahna chu a lawmawm takzet a ni, a ti.

Khuallian R. Lalzirliana chuan hmasawnna chi hrang hrang Saitual ina a hmuh te chu sawrkar in theihtawp a chhuah na piahlam ah mipui ten thahnemngai taka sawrkar an thawhpui na zar a ni, a ti a, Saitual District district mipuite chungah lawmthu a sawi nghal bawk a ni.

Minister chuan tun dinhmun ah kan thenawm State ah zohnahthlak unau ten harsatna nasa tak an tawk chu pawi a tih thu sawiin, harsatna leh mangan hunah pawh kan unaute kan thlahthlam tur a ni lo, a ti a. Hmangaihna nena raltlan unaute chu chhawmdawl leh tanpui turin a sawm a ni. Hemi rual hian ralmuanna pawimawh zia pawh sawiin mizoram chu India rama hmun ralmuang ber a nih chhunzawm zel theih nan mipui ten kan zalenna leh ralmuanna te ngaiah nei mai lova hlut thiam turin a ngen nghal bawk a ni.

Vawiin Independence Day parade-ah hian contingent 16 telin, Sumeon Vanlalzuata Tlau chu Parade Commander niin ASI Vanlalremmawia chu 2nd Parade Commander a ni.

Vawiin Independence Day 2023 Parade result chu hetiang hi a ni:

SCHOOL CONTINGENT

1st Govt Keifang High School contingent
2nd Govt Middle School 1,Saitual Contingent
3rd Graceland Adventist School Contingent , Keifang te anni.

Kumin Independence Day pual hian volleyball, table tennis leh basketball tournament buatsaih a ni a. Football tournament final hi chawhnu dar 2 atangin Keifang Centenary Sports Complex ah neih a ni.

Independence Day lawmna ah hian District Bawrhsap Dr. Lalngura Tlau, leh Saitual District a sawrkar Department hruaitute, Zirlaite leh mipui thahnem tak an lo kalkhawm a ni. Chief Guest hi Home Commissioner Pu H Lalengmawia, DM&R Secretary Pi K Lalrinzuali leh Officer dang ten Aizawl atangin an lo tawiawm bawk a ni. Independence day lawmna hun Keifang Centenary Sports Complex -a neih zawh hnu hian  Chief Guest hovin official leh mi sawm bikte tan DC Bungalow ah ‘VIP’s At Home’ function neih a ni.