364/2025-2026

Dated Saitual, the 28th April 2025: Vawiin chawhnu dar 3:30 khan Pu Lallawmawma, Addl DC kaihhruainain DC Conference Room, Saitualah District Level Committee on PMAY(U) 2.0 hnuaia insak tanpuina dawng tur thlanna neih a ni.

Chairman Pu Lallawmawma, Addl DC chuan sawrkar scheme tha taktakte mipuiten a zar kan zo thin chu lawmawm a tih thu sawiin, a dawng àwm leh phu ngawih ngawihten an dawn chu a tha ber a ni, a ti a, mamawhtute hnen thleng phak hmasawnna chu thil hlu tak a ni, a ti.

Er. Laldinsanga Hnamte, DUDO pawhin thu sawiin insak tanpuina scheme in a tumte sawifiahna leh thlitfim a nih dan kawngte, hamthatna dawngtute mawhphurhna leh an tih ve turte sawiin dilna hnawl an tam chhan chu guidelines an duh khirh em avang a ni, tiin a sawifiah zui bawk.

PMAY(U) 2.0 hnuaiah hian beneficiary pakhatin cheng nuai hnih singnga(2.5 lakhs) an dawng dawn a, Saitual district chhungah dilna 771 lutin valid application hi 639 a ni a chung zingah 139 hnawl an ni a. Heng aṭang hian mi 45 thlan chhuah leh an ni.

Vawiin thutkhawmah hian Pu Lallawmawma, Addl DC, Er Laldinsanga Hnamte, DUDO & Member Secretary, C Zothansanga, PA to Speaker, MLA,Chalfilh A/C, CK Lalthazuala,Asst,Chalfilh MLA, J.Thangzuala, Chairman, Jt VC, te bakah Saitual khaw chhunga Bank hrang hrang Branch Manager-te an tel a ni.