363/2025-2026

Dated Saitual, the 28th April, 2025: Vawiin chawhnu dar 2:00 khan DC Conference Room, Saitualah Addl DC Pu Lallawmawma kaihhruainain MGNREGA hnuaia District Convergence Committee (DCC) te chu an thu khawm a, line department hrang hrangte nena thawhho leh inthlunzawm (convergence) theihte tihchian kawngah department hrang hrangten hmalak an tumna (proposed activity) te report an pe a ni.

Chairman Pu Lalawmawma, Addl DC chuan kalkhawmte hnenah lawmthu sawiin department hrang hrangte inthlunzawm (convergence) chu tha hle mah se, thil awlsam tak a ni lova, ngaih pawimawh tul tak niin hna hrang hrang leh hmasawnna thawhna kawngah thil tul leh pawimawh tak anih thu a sawi bawk.

Pu V Laldinsanga, Project Director, DRDO pawhin kalkhawmte hnenah lawmthu sawiin convergence chungchangah ruahmanna ṭha tak tak an nei thin chu thil lawmawm tak a ni, a ti a, chutih rualin proposal-te chu hmasawnna thar lam hawi ni thei se a duhawm lehzual a ni, a ti.

State level a thehluh hun chu ni 30 April a nih avangin committee in deadline a siam a, chumi zul zui chuan department pariat(8) ten an thehlut a ni. Heng an proposal-te hi department aiawhten sawifiahna an neih hnuah sawiho zui niin pawm a ni a, District Convergence Plan 2025 atana khung tura tih a ni.

Vawiin thutkhawmah hian Pu Lallawmawma, Addl DC, Chairman, DCC & DC, Pu V. Laldinsanga, Secretary, DCC & Project Director bakah line department-a DCC member te an tel bawk.